ئەو شتانەی ژیان و بزنس فێریان کردم

لەم زنجیرەیەدا لەگەڵ مامۆستا ئیسماعیل خوڕماڵی دادەنیشین؛ خاوەنکار، ڕاوێژکاری بزنس و نووسەری چەندین کتێب لە بواری بەڕێوەبردن و بازرگانیدا.

مامۆستا ئیسماعیل ساڵانێکی زۆرە لە دامەزراوە و کۆمپانیاکاندا کاری کردووە، لە مالیزیا خوێندوویەتی و لە ئیمارات ئیشی کردووە، چەندین بزنسی دامەزراندووە و بەڕێوەبردووە، و ئێستاش ڕاوێژکاری چەندین کۆمپانیایە.

لەم پۆدکاستەدا بە قووڵی باسی دەستپێکردنی بزنس، سیستم، ژمێریاری، بەڕێوەبردنی کارمەند و مانای سەرکەوتن دەکەین.

باس لەوە دەکەین

• هەڵە باوەکانی بزنس و چۆن لە زەرەر خۆت ڕزگار بکەیت
• چۆن دەست بە بزنس بکەیت و چۆن بزانیت بۆ چی باشیت
• بزنسێکی سەرکەوتوو چییە؟
• لایەنی ژمێریاری، دارایی و کاش
• هەڵسەنگاندنی بزنس و ئەو هەڵانەی نابێت بیکەیت
• سەرپەرشتی کارمەند و کارسپاردن
• جیاوازی بەڕێوەبەر و سەرکردە
• بزنسی بچووک پێویستی بە HR هەیە؟
• خوێندن لە مالیزیا و کارکردن لە ئیمارات
• بازرگانی بە حەڵاڵی، بەخشین و فێڵ لە کاردا
• شەریکایەتی، کتێب و ئامۆژگاری بۆ گەنجان